Вопросы священнику

Задайте интересующий вопрос прямо на сайте и получите ответ от священника

Полезные материалы

О мощах великого русского святителя Луки Крымского

Путешественники, бывая в Крыму, зачастую заходят и в Свято-Троицкий женский монастырь ...

Акафист Семистрельной (Умягчение злых сердец) иконе Божией Матери

Образы «Семистрельная» и «Умягчение злых сердец» похожи, однако есть некоторые отличия.

Молитва Николаю Чудотворцу о здравии

Православная молитва св.Николаю Чудотворцу об исцелении в болезни

Икона Николая Чудотворца: описание, значение, помощь

Святитель родился около 270 года в древней византийской провинции, в небольшом городе Патара ...

Спасибо что зашли на наш сайт, перед тем как начать чтение вы можете подписаться на интересную православную mail рассылку, для этого вам необходимо кликнуть по этой ссылке «Подписаться»

Акафист Пресвятой Богородице

(Великий акафист, читаемый в субботу Акафиста)

Богоматерь

Икона Божией Матери

Конда́к 1.

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

Ра́дуйся, Неве́сто Неневе́стная.

И́кос 1.

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

Ра́дуйся, Неве́сто Неневе́стная.
Конда́к 2.

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.

И́кос 2.

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко е́сть роди́тися мо́щно, рцы́ Ми́? К Не́йже о́н рече́ со стра́хом, оба́че зовы́й си́це:

Ра́дуйся, сове́та неизрече́ннаго Таи́ннице; ра́дуйся, молча́ния прося́щих ве́ро.

Ра́дуйся, чуде́с Христо́вых нача́ло; ра́дуйся, веле́ний Его́ глави́зно.

Ра́дуйся, ле́ствице небе́сная, Е́юже сни́де Бо́г; ра́дуйся, мо́сте, преводя́й су́щих от земли́ на не́бо.

Ра́дуйся, А́нгелов многослову́щее чу́до; ра́дуйся, бесо́в многоплаче́вное пораже́ние.

Ра́дуйся, Све́т неизрече́нно роди́вшая; ра́дуйся, е́же ка́ко, ни еди́наго же научи́вшая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Ра́дуйся, Неве́сто Неневе́стная.

Конда́к 3.

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, все́м хотя́щим жа́ти спасе́ние, внегда́ пе́ти си́це: Аллилу́иа.

И́кос 3.

Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние.

Ра́дуйся, Де́лателя де́лающая Человеколю́бца; ра́дуйся, Сади́теля жи́зни на́шея ро́ждшая.

Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ния.

Ра́дуйся, я́ко ра́й пи́щный процвета́еши; ра́дуйся, я́ко приста́нище душа́м гото́виши.

Ра́дуйся, прия́тное моли́твы кади́ло; ра́дуйся, всего́ ми́ра очище́ние.

Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.

Ра́дуйся, Неве́сто Неневе́стная.

Конда́к 4.

Бу́рю вну́трь име́я помышле́ний сумни́тельных, целому́дренный Ио́сиф смяте́ся, к Тебе́ зря́ небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

И́кос 4.

Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша:

Ра́дуйся, А́гнца и Па́стыря Ма́ти; ра́дуйся, дво́ре слове́сных ове́ц.

Ра́дуйся, неви́димых враго́в муче́ние; ра́дуйся, ра́йских две́рей отверзе́ние.

Ра́дуйся, я́ко небе́сная сра́дуются земны́м; ра́дуйся, я́ко земна́я сликовству́ют небе́сным.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте.

Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние.

Ра́дуйся, Е́юже обнажи́ся а́д; ра́дуйся, Е́юже облеко́хомся сла́вою.

Ра́дуйся, Неве́сто Неневе́стная.

Конда́к 5.

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю́, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.

И́кос 5.

Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зра́к, потща́шася дарми́ послужи́ти Ему́, и возопи́ти Благослове́нней:

Ра́дуйся, Звезды́ незаходи́мыя Ма́ти; ра́дуйся, заре́ та́инственнаго дне́.

Ра́дуйся, пре́лести пе́щь угаси́вшая; ра́дуйся, Тро́ицы таи́нники просвеща́ющая.

Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода Человеколю́бца показа́вшая Христа́.

Ра́дуйся, ва́рварскаго избавля́ющая служе́ния; ра́дуйся, тиме́ния изыма́ющая де́л.

Ра́дуйся, огня́ поклоне́ние угаси́вшая; ра́дуйся, пла́мене страсте́й изменя́ющая.

Ра́дуйся, ве́рных наста́внице целому́дрия; ра́дуйся, все́х родо́в весе́лие.

Ра́дуйся, Неве́сто Неневе́стная.

Конда́к 6.

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя́ Христа́ все́м, оста́виша И́рода я́ко буесло́вна, не ве́дуща пе́ти: Аллилу́иа.

И́кос 6.

Возсия́вый во Еги́пте просвеще́ние и́стины, отгна́л еси́ лжи́ тьму́: и́доли бо его́, Спа́се, не терпя́ще Твоея́ кре́пости, падо́ша, си́х же изба́вльшиися вопия́ху к Богоро́дице:

Ра́дуйся, исправле́ние челове́ков; ра́дуйся, низпаде́ние бесо́в.

Ра́дуйся, пре́лести держа́ву попра́вшая; ра́дуйся, и́дольскую ле́сть обличи́вшая.

Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни.

Ра́дуйся, о́гненный сто́лпе, наставля́яй су́щия во тьме́; ра́дуйся, покро́ве ми́ру, ши́рший о́блака.

Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице.

Ра́дуйся, земле́ обетова́ния; ра́дуйся, из нея́же тече́т ме́д и млеко́.

Ра́дуйся, Неве́сто Неневе́стная.

Конда́к 7.

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бо́г соверше́нный. Те́мже удиви́ся Твое́й неизрече́нней прему́дрости, зовы́й: Аллилу́иа.

И́кос 7.

Но́вую показа́ тва́рь, я́влься Зижди́тель на́м от Него́ бы́вшим, из безсе́менныя прозя́б утро́бы, и сохрани́в Ю́, я́коже бе́, нетле́нну, да чу́до ви́дяще, воспои́м Ю́, вопию́ще:

Ра́дуйся, цве́те нетле́ния; ра́дуйся, ве́нче воздержа́ния.

Ра́дуйся, воскресе́ния о́браз облиста́ющая; ра́дуйся, а́нгельское житие́ явля́ющая.

Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи.

Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим.

Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние.

Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая.

Ра́дуйся, Неве́сто Неневе́стная.

Конда́к 8.

Стра́нное рождество́ ви́девше, устрани́мся ми́ра, у́м на небеса́ прело́жше: сего́ бо ра́ди высо́кий Бо́г на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

И́кос 8.

Ве́сь бе́ в ни́жних и вы́шних ника́коже отступи́ неопи́санное Сло́во: снизхожде́ние бо Боже́ственное, не прехожде́ние же ме́стное бы́сть, и рождество́ от Де́вы Богоприя́тныя, слы́шащия сия́:

Ра́дуйся, Бо́га невмести́маго вмести́лище; ра́дуйся, честна́го та́инства две́ри.

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

Ра́дуйся, колесни́це пресвята́я Су́щаго на Херуви́мех; ра́дуйся, селе́ние пресла́вное Су́щаго на Серафи́мех.

Ра́дуйся, проти́вная в то́жде собра́вшая; ра́дуйся, де́вство и рождество́ сочета́вшая.

Ра́дуйся, Е́юже разреши́ся преступле́ние; ра́дуйся, Е́юже отве́рзеся ра́й.

Ра́дуйся, ключу́ Ца́рствия Христо́ва; ра́дуйся, наде́ждо бла́г ве́чных.

Ра́дуйся, Неве́сто Неневе́стная.

Конда́к 9.

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ше все́м присту́пнаго Челове́ка, на́м у́бо спребыва́юща, слы́шаща же от все́х: Аллилу́иа.

И́кос 9.

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы́ же, та́инству дивя́щеся, ве́рно вопие́м:

Ра́дуйся, прему́дрости Бо́жия прия́телище, ра́дуйся, промышле́ния Его́ сокро́вище.

Ра́дуйся, любому́дрыя нему́дрыя явля́ющая; ра́дуйся, хитрослове́сныя безслове́сныя облича́ющая.

Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы.

Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая.

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний.

Ра́дуйся, Неве́сто Неневе́стная.

Конда́к 10.

Спасти́ хотя́ ми́р, И́же все́х Украси́тель, к сему́ самообетова́н прии́де, и Па́стырь сы́й, я́ко Бо́г, на́с ра́ди яви́ся по на́м челове́к: подо́бным бо подо́бное призва́в, я́ко Бо́г слы́шит: Аллилу́иа.

И́кос 10.

Стена́ еси́ де́вам, Богоро́дице Де́во, и все́м к Тебе́ прибега́ющим: и́бо небесе́ и земли́ Творе́ц устро́и Тя́, Пречи́стая, все́лься во утро́бе Твое́й, и вся́ приглаша́ти Тебе́ научи́в:

Ра́дуйся, сто́лпе де́вства; ра́дуйся, две́рь спасе́ния.

Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости.

Ра́дуйся, Ты́ бо обнови́ла еси́ зача́тыя сту́дно; ра́дуйся, Ты́ бо наказа́ла еси́ окра́денныя умо́м.

Ра́дуйся, тли́теля смы́слов упражня́ющая; ра́дуйся, Се́ятеля чистоты́ ро́ждшая.

Ра́дуйся, черто́же безсе́меннаго уневе́щения; ра́дуйся, ве́рных Го́сподеви сочета́вшая.

Ра́дуйся, до́брая младопита́тельнице де́вам; ра́дуйся, невестокраси́тельнице ду́ш святы́х.

Ра́дуйся, Неве́сто Неневе́стная.

Конда́к 11.

Пе́ние вся́кое побежда́ется, спростре́тися тща́щееся ко мно́жеству мно́гих щедро́т Твои́х: равночи́сленныя бо песка́ пе́сни а́ще прино́сим Ти́, Царю́ Святы́й, ничто́же соверша́ем досто́йно, я́же да́л еси́ на́м, Тебе́ вопию́щим: Аллилу́иа.

И́кос 11.

Светоприе́мную свещу́, су́щим во тьме́ я́вльшуюся, зри́м Святу́ю Де́ву, невеще́ственный бо вжига́ющи о́гнь, наставля́ет к ра́зуму Боже́ственному вся́, заре́ю у́м просвеща́ющая, зва́нием же почита́емая, си́ми:

Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та.

Ра́дуйся, мо́лние, ду́ши просвеща́ющая; ра́дуйся, я́ко гро́м враги́ устраша́ющая.

Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́.

Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну.

Ра́дуйся, ба́не, омыва́ющая со́весть; ра́дуйся, ча́ше, че́рплющая ра́дость.

Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия.

Ра́дуйся, Неве́сто Неневе́стная.

Конда́к 12.

Благода́ть да́ти восхоте́в, долго́в дре́вних, все́х долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от все́х си́це: Аллилу́иа.

И́кос 12.

Пою́ще Твое́ Рождество́, хва́лим Тя́ вси́, я́ко одушевле́нный хра́м, Богоро́дице: во Твое́й бо всели́вся утро́бе содержа́й вся́ руко́ю Госпо́дь, освяти́, просла́ви и научи́ вопи́ти Тебе́ все́х:

Ра́дуйся, селе́ние Бо́га и Сло́ва; ра́дуйся, свята́я святы́х бо́льшая.

Ра́дуйся, ковче́же, позлаще́нный Ду́хом; ра́дуйся, сокро́вище живота́ неистощи́мое.

Ра́дуйся, честны́й ве́нче люде́й благочести́вых; ра́дуйся, честна́я похвало́ иере́ев благогове́йных.

Ра́дуйся, це́ркве непоколеби́мый сто́лпе; ра́дуйся, Ца́рствия неруши́мая стено́.

Ра́дуйся, Е́юже воздви́жутся побе́ды; ра́дуйся, Е́юже низпа́дают врази́.

Ра́дуйся, те́ла моего́ врачева́ние; ра́дуйся, души́ моея́ спасе́ние.

Ра́дуйся, Неве́сто Неневе́стная.

Конда́к 13.

О,Всепе́тая Ма́ти, ро́ждшая все́х святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти все́х, и бу́дущия изми́ му́ки, о Тебе́ вопию́щих: Аллилу́иа, аллилу́иа, аллилу́иа.

Этот, конда́к чита́ется три́жды, зате́м и́кос 1-й и конда́к 1-й.

И́кос 1.

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

Ра́дуйся, Неве́сто Неневе́стная.

Конда́к 1.

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

Ра́дуйся, Неве́сто Неневе́стная.

Моли́тва

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми, отжени́ от мене́, смире́ннаго и окая́ннаго раба́ твоего́, уны́ние, забве́ние, неразу́мие, нераде́ние, и вся́ скве́рная, лука́вая и ху́льная помышле́ния от окая́ннаго моего́ се́рдца и́ от помраче́ннаго ума́ моего́, и погаси́ пла́мень страсте́й мои́х, я́ко ни́щь е́смь и окая́нен: и изба́ви мя́ от мно́гих и́ лю́тых воспомина́ний и предприя́тий, и от все́х де́йств злы́х свободи́ мя: я́ко благослове́нна еси́ от все́х родо́в, и сла́вится Пречестно́е и́мя Твое́ во ве́ки веко́в. Ами́нь.

Богослужебное песнопение

Это древнее богослужебное песнопение, посвященное Пречистой Богородице, долгое время было единственным такого рода. Существующие ныне акафисты написаны как подражание этому, первому, главному, издревле именуемому Великим. 

Почему Акафист называют «Взбранной Воеводе победительная»?

Это первые слова песнопения. Стих, по мнению церковных историков, существенно отличен по ритмическому рисунку от других частей гимна, поэтому его признают позднейшим дополнением к тексту, связывая с особыми обстоятельствами, при которых Великий Акафист вошел в церковное употребление. 

Когда был написан этот текст

Точная дата создания этого гимна неизвестна. Определенной точкой отсчета можно считать осаду Константинополя в VII в. 

7
Августа
626 года
Авары с союзными им персами, другими племенами (включая также славян), после длительного штурма вынуждены были прекратить боевые действия, а затем поспешно покинуть Византию.

Случилось это после того, как по стенам города пронесли, с пением этого гимна, чудотворную икону Матери Божией. Таким образом получается, что песнопение создано было по крайней мере на несколько десятилетий раньше. Но более или менее точно известно, что первый его кондак «Взбранной Воеводе» появился как раз с 626 г., дополнив ранее существовавший текст. 

Кто автор Акафиста 

Средневековый христианин, создававший богодухновенные тексты или прекрасные иконы, не дерзал считать себя «автором», понимая, Кем внушены слова, мысли, Кто движет рукой песнописца. Потому ныне столь сложно определить, кем написано то или иное песнопение. 

Долгое время не был определен также автор этого песнопения Богородице. Среди возможных создателей гимна называли: 

  • св. Апполинария из Лаодикии (IV в.) 
  • прп. Романа Сладкопевца, клирика Влахернской церкви; 
  • патр. Сергия Константинопольского, при котором происходила осада 626 г. 

И все же к настоящему времени большинство литургистов считают: 

  • Акафист появился с конца VI – начала VII вв.; 
  • скорее всего, он написан прп. Романом Сладкопевцем, именуемым так потому, что он имел особое благословение Матери Божией на прославление Ее и Господа гимнами.  

Из чего состоит акафист 

Гимн Богородице состоит из 24 кондаков и икосов по числу букв греческого алфавита. Греческий оригинальный текст построен так, что каждое песнопение начинается с определенной греческой буквы по алфавитному порядку. 13 кондак – завершающий, самый торжественный. 

Сами названия песнопений также греческие. «Кондакионом» в древности называли большой свиток. Многие авторы говорят поэтому, что до X в. кондак как песнопение был достаточно большим произведением. Кондаки как короткие славословия, посвящённые празднованию дня или святого появились после IXX вв. За кондаком следует икос – более пространный гимн. 

Кондак заканчивается древним молитвенным возгласом «Аллилуйя». Особенность икоса – так называемые «хайретизмы» (от греческого «хайре», или «радуйся»). 

Краткое толкование основных тем 

Икос и кондак обычно объединены: 

  • единым ритмом стиха; 
  • посвящены одному и тому же событию. 

Определенное исключение составляет Великий Акафист, где первый кондак прославляет Пречистую как «Взбранную воеводу». Основными же темами его являются: 

  • Благовещение; 
Интересный факт
Многие современные авторы считают, что изначально прп. Роман Сладкопевец предназначал свой гимн или для праздника Благовещения, или для Рождества. 

Недаром в каждом икосе повторяются слова: «Радуйся, Невеста Неневестная», то есть Невеста, оставшаяся Девой – и все же родившая Господа. 

Благодарность Избавительнице (кондак 1) 

Считается что это первое песнопение добавлено после осады Константинополя 626 г. Оно посвящено помощи Пречистой, прославляет Её как избавительницу христиан. Одновременно в нем – надежда на помощь Богородицы во все дни нашей жизни. Кондак часто поется за богослужением, например, часто завершает всенощное бдение после чтения Первого часа. 

Благовещение и ожидание Рождества (от 1 икоса до 4 кондака) 

Вот события Евангелия, которым посвящены эти песнопения: 

  • Благовещение, когда «Ангел Предстатель послан бысть рещи Богородице: Радуйся!..»; песнопения прославляют Пречистую словами Архангела, который «ужасашеся» при виде Её чистоты, смирения, святости. 
  • Встреча Богородицы с прав. Елисаветой, которая тоже ожидала Первенца, св. Иоанна Претдечу; если св. Лука лишь говорит о том, что Претдеча «взыграл» от радости во чреве Елисаветы, то автор вкладывает в уста св. Иоанна целое песнопение (3 икос): «Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние… Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние…» 
  • Совсем немного места уделено смущению прав. Иосифа (4 кондак), который, сначала сомневаясь, как человек, не растлил ли кто девство Марии, будучи просвещен Духом Святым, увидел истину, невыразимую человеческим языком, не понимаемую умом. А потому создатель песнопения как бы от лица Иосифа произносит лишь «Аллилуйя!», древнее. прославляющее Бога за все. 

Рождество Христово и Сретение (от 4 икоса до 7 кондака) 

Эта часть поэтически описывает: 

  • поклонение пастухов Рожденному Христу; здесь содержится осмысление Родившегося как Пастыря словесных овец, а Богородицы – как «райских дверей отверзения», что пастыри видели воочию при явлении им Ангельского воинства; 
  • приветствие Господу волхвов, которых звезда ведет к месту Его Воплощения; 
  • 6 кондак и икос рассказывают также о бегстве Святого Семейства в Египет, его промыслительном значении; слова песни основаны на предании о падении идолов в этой языческой тогда стране, когда в ее пределы вступили Богородица и Христос с праведным Иосифом; 
  • с 7 кондака песнопевец осмысливает Сретение Господне, основное внимание вновь уделяя Матери Божией, хотя здесь упоминается старец Симеон, принявший на руки Христа; Мария видится песнописцу как «Судии́ пра́веднаго умоле́ние… мно́гих согреше́ний проще́ние… любы́, вся́кое жела́ние побежда́ющая».

Богословие Рождества (8 и 9 кондаки и икосы) 

Видя Воплотившегося Бога, верующие призываются «устраниться суетного мира», «ум на Божественное возложить». 8 кондак с икосом посвящены богословскому объяснению Рождения Спасителя  Его «Божественному Снисхождению», когда «ве́сь бе́ в ни́жних и вы́шних ника́коже отступи́ неопи́санное Сло́во», то есть, став Человеком, Христос остался и Богом. А потому как же велика Его Матерь, ставшая вместилищем «невместимого Бога»! Из глубины потрясенного этой тайной сердца вырываются слова славословия, благодарения и любви. 

9 икос – свидетельство того, что чудо Воплощения приводит к безмолвию «витий многовещанных», пытающихся понять происшедшее своим человеческим умом. Богородица самим Своим существованием, жизнью есть «афинейские плетения растерзающая» (Афины – центр языческой учености), заставляющая умолкнуть «хитрословесных», «многи в разуме просвещаяющая». 

Защита верным (10-12 кондаки и икосы) 

В этой части гимна прославляется заступничество Богородицы за род человеческий: 

  • Пречистую гимн восхваляет как охранительницу девства, помощницу целомудренным, заступницу, помогающую пройти этот путь; 
  • Пречистая также именуется спасением также для всех грешников – «баней, омывающей совесть», «чашей, черплющей радость»; 
  • наконец Она – помощница всем верным без различия возраста, звания – иереям, просто благочестивым людям; Богородица – защита от врагов, внешних и внутренних, победительница грехов, нечистых помыслов, болезней.  

Кульминация славословия – последний, 13 кондак, по традиции повторяемый трижды: «О, Всепе́тая Ма́ти, ро́ждшая все́х святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти все́х, и бу́дущия изми́ му́ки, о Тебе́ вопию́щих: Аллилу́иа, аллилу́иа, аллилу́иа».

Употребление в богослужении (Суббота акафиста) и в домашней молитве

Устав предусматривает чтение этого текста во время храмовой службы только 1 раз в году, Великим Постом, в его 5 субботу. Она именуется Субботой Акафиста. Стоит отметить, что по существующей ныне в Русской Церкви практике богослужебный день начинается накануне вечером. Таким образом, пение гимна приходится на пятницу. Это едва ли не единственный день за весь пост, когда под церковными сводами звучат радостные песнопения, более того, во многих храмах верующие приносят молитвословы, чтобы петь гимн вместе с клириками и хором. 

Считается, что празднование установлено с 860 г. Константинополь осадили славяне, город оказался в тяжелом положении. Тогда византийцы вновь, как столетия назад, воззвали к своей заступнице. Сам патриарх Фотий возглавил пение Великого Акафиста Влахернской церкви Богородицы, где со времен Константина Великого пребывали главные реликвии, связанные с Матерью Божией – Ее пояс, риза, чудотворные иконы. Вновь вера христиан не была посрамлена: разбитые, язычники бежали. А вскоре многие из них, как указывает первая русская летопись, Повесть временных лет, вернулись – просить Крещения.  

Сначала Суббота совершалась только во Влахерне, как память о чуде. Но позже эту традицию переняли другие храмы, даже многие монастыри. Вошла она также в Устав обители прп. Саввы Освященного. С XIV в. этот устав составляет основу для богослужения Русской Церкви. Так в России появилась Суббота Акафиста – память о Крещении наших предков и особое обращение к Пречистой, нашей поддержке на поприще поста. 

В каких случаях верующие прибегают к чтению этого акафиста 

Кроме богослужебной практики, его часто читают дома: 

  • накануне, на сами дни Богородичных праздников, особенно Благовещения, Собора Пресвятой Богородицы (на другой день после Рождества); 
  • когда необходима помощь Пречистой при любых духовных или житейских делах, при болезни, скорби; 
  • светлые, радостные слова гимна хорошо помогают при унынии, отчаянии, малодушии, обращая нашу мысль к Той, Кто всегда поддержит. 

Известный старец, архимандрит из обители Сихастрия Клеопа (Илие) (1912-1998) в одной из своих проповедей говорит:

«Да не опускается в доме вашем акафист и честной молебен Матери Божией, и какая бы скорбь ни постигла вас и какая беда, призывайте Матерь Божию всем сердцем, и Она непременно придет со Своей скорой помощью, с пресвятыми и пресильными молитвами Своими.

Знайте, что нет души под небом, которая возложила бы упование на Матерь Божию и осталась бы постыжена до конца. Ее молитвами будет она иметь в нынешнем веке покой, утешение, покров и прибежище, и в минуту смерти милость Матери Божией не оставит ее. А в день Суда Матерь Пресвятая станет на колени перед Пресвятым и Сладчайшим Сыном Своим и Богом нашим Иисусом Христом и скажет: «Господи Боже и Сыне Мой, эта душа измученная даже если и согрешила, но всегда просила Меня молиться Тебе. Прости ее, помилуй и сотвори с нею милость».

Этот удивительный, радостный гимн хранит память о далеком прошлом, о многократной помощи Матери Божией Своим людям. Но он же – свидетельство непрестанного чуда Ее присутствия в нашей жизни. 

Наталья Сазонова

Похожие статьи

Хотим привлечь ваше внимание к проблеме разрушенных храмов, пострадавших в безбожные годы. Более 4000 старинных церквей по всей России ждут восстановления, многие находятся в критическом положении, но их все еще можно спасти.

Один из таких храмов, находится в городе Калач, это церковь Успения Божией Матери XVIII века. Силами неравнодушных людей храм начали восстанавливать, но средств на все работы катастрофически не хватает, так как строительные и реставрационные работы очень дорогие. Поэтому мы приглашаем всех желающих поучаствовать в благом деле восстановления храма в честь Пресвятой Богородицы. Сделать это можно на сайте храма

Помочь храму

Рекомендуем статьи по теме

Добавить комментарий

Получать новые комментарии по электронной почте. Вы можете подписаться без комментирования.

Следите за нами в социальных сетях

В России 8109 храмов находится в разрушенном или полуразрушенном состоянии.

В наших социальных сетях мы собираем информацию о них, а также рассказываем о самых интересных действующих храмах и монастырях.

Подписывайтесь!

icon icon icon icon
+