Акафист Антонию Великому – отцу монашества

Преподобного Антония Великого именуют «отцом монашества». Великим преподобный Антоний был назван за труды и подвиги. Его долгая – более чем сто лет продлившаяся жизнь – дает нам пример, как выглядит житие человека, полностью исполнившего завет Спасителя.

Акафист Антонию Великому

Кондак 1

Избранный чудотворче и предивный угодниче Христов, преподобне отче Антоние, любовию восхваляюще богоугодное житие твое, благодарения песнь о тебе Богу приносим. Ты же, яко имеяй велие дерзновение ко Господу, от всяких нас бед свободи, да с радостию зовем ти: Радуйся, преподобне отче Антоние, пустыннаго жития начальниче.

Икос 1

Ангельское житие от юности возлюбивши, в заповедех Божиих ходити вожделел еси, преподобне отче, и сердцем пламенея ко Господу сил, ум на Божественная возвел еси, временная и земная во уметы вменяя. Темже, промышлению Божию о тебе дивящеся, с верою зовем ти:

Радуйся, благочестивых родителей сыне достойный.

Радуйся, во благочестии ими воспитанный.

Радуйся, от юности за Христом последовавый.

Радуйся, суету земную ни во чтоже вменивый.

Радуйся, вертограда Христова делателю усердный.

Радуйся, пустыножителей наставниче великий.

Радуйся, спасения всем желавый.

Радуйся, путь истиннаго монашества показавый.

Радуйся, светильниче, огнем Божественным возжженный.

Радуйся, каменю веры во Христа несокрушенный.

Радуйся, благодатию Духа Святаго осиянный.

Радуйся, даром чудотворений облагодатствованный.

Радуйся, преподобне отче Антоние, пустыннаго жития начальниче.

Кондак 2

Видя враг рода человеческаго тебе, Богоносне отче, на высоту духовную вознесшагося, восхоте погубити тя, но устыдися усердия и смирения твоего, ты бо непрестанно в посте и молитве подвизался еси, главу невидимаго змия сокрушая, Богу же со умилением поя: Аллилуиа.

Икос 2

Разумевше сердцем и умом, яко вся благая мира сего скоротечни и скоропреходящия суть, в пещере темней затворил еси себе, страсти умерщвляя и единому Господеви работая. Сего ради, похваляя равноангельное житие твое, вопием ти:

Радуйся, упование свое на Бога возложивый.

Радуйся, врага безумие посрамивый.

Радуйся, неустрашимый разрушителю козней диавольских.

Радуйся, чистотою и святынею Ангелом уподобивыйся.

Радуйся, пустыню подвиги твоими освятивый.

Радуйся, многия в Царствие Небесное управивый.

Радуйся, презренную гордость низлагаяй.

Радуйся, смиренномудрию научаяй.

Радуйся, свете, всех богомудрием просвещаяй.

Радуйся, лучезарная звездо, сиянием подвигов твоих всех озаряяй.

Радуйся, во славу Божию поживый.

Радуйся, пастырю добрый и долготерпеливый.

Радуйся, преподобне отче Антоние, пустыннаго жития начальниче.

Кондак 3

Сила Вышняго укрепляше тя, Антоние преблаженне, ты бо в посте, молитве, неустанных трудех и бдениих пребывая и всякия вражия искушения побеждая, воспевал еси благодатию покрывавшему тя Богу: Аллилуиа.

Икос 3

Имея помысл чист и душу непорочну, блаженне отче, уразумел еси мира сего суету и непостоянство, и вечных благ вожделев, благ временных отреклся еси. Темже, ублажающе тя, вопием:

Радуйся, смирения благаго ревнителю.

Радуйся, мудрости духовныя искателю.

Радуйся, на высоту безстрастия возшедый.

Радуйся, всего себе Богу предавый.

Радуйся, Господу твоему незлобием уподобивыйся.

Радуйся, нищетою твоею богат бывый.

Радуйся, пустыни благодатное украшение.

Радуйся, мирови светильниче пресветлый.

Радуйся, бесов страшный прогонителю.

Радуйся, прелести их потребителю.

Радуйся, паче мудрецов мира сего мудрейший.

Радуйся, подвижниче всеусерднейший.

Радуйся, преподобне отче Антоние, пустыннаго жития начальниче.

Кондак 4

Бурю злых напастей утишая, в пустыню вселился еси, Антоние преблаженне, в нейже многоскорбный путь иноческаго жития прошел еси, вся козни вражеския попирая и прельщения его отсекая, укрепляющему тя Христу поя: Аллилуиа.

Икос 4

Слышавше о богоугодном житии твоем, преподобне, прихождаху к тебе от всех концев ищущии правды Божия, ихже ты с любовию приемля, ко спасению руководствовал еси. Мы же, умиленною душею восхваляя тя, вопием сице:

Радуйся, пустынножителей правило и основание.

Радуйся, добрый стада Христова наставниче.

Радуйся, Церкви Христовы украшение.

Радуйся, монашествующих славо.

Радуйся, всего себе в жертву Господеви принесый.

Радуйся, страсти греховныя в себе умертвивый.

Радуйся, Ангелов веселие.

Радуйся, демонов всегубительное попрание.

Радуйся, пустынный жителю.

Радуйся, безмолвия рачителю.

Радуйся, на путь правый наставляяй.

Радуйся, Царствие Небесное возвещаяй.

Радуйся, преподобне отче Антоние, пустыннаго жития начальниче.

Кондак 5

Боготечная звезда чину иноческому явился еси, преподобне отче Антоние, образ быв словом, житием, любовию, верою, чистотою, воспевая Господу: Аллилуиа.

Икос 5

Видя враг рода человеческаго чистое и святое житие твое, отче Антоние, многажды ополчашеся на тя: ты же смирением своим его побеждая, от пути спасительнаго не уклонился еси. Мы же, ведуще сие, поем ти:

Радуйся, вечныя жизни причастниче.

Радуйся, спасения великий наставниче.

Радуйся, житием твоим единому Богу послуживый.

Радуйся, иго Христово восприявый.

Радуйся, коварство лукавых демонов обличаяй.

Радуйся, на путь спасения наставляяй.

Радуйся, чистоты хранителю.

Радуйся, Троическаго света зрителю.

Радуйся, падших востание.

Радуйся, бесовския силы прогнание.

Радуйся, столпе веры утвержденный.

Радуйся, учителю совершенный.

Радуйся, преподобне отче Антоние, пустыннаго жития начальниче.

Кондак 6

Проповеди Евангельския послушав: «Аще хощеши совершен быти, иди, продаждь имение твое, и даждь нищим, и имети имаши сокровище на небеси; и гряди в след Мене», отрешил еси себе, отче Антоние, от богатств земных и, вселився в пустыню, житие постническое пожил еси, подвиги твоими сокровище себе на небеси стяжавая. Вразуми и нас, отче благосердый, к скорогибнущим вещем земным сердцем не прилеплятися, а паче о горних помышляти, вопия Господу сил: Аллилуиа.

Икос 6

Возсиял еси, яко богосветлое светило, в пустыни Египетстей, отче Антоние, озаряя всех лучами добродетелей и чудес твоих. Мы же, поминая подвиги твоя, ублажаем тя, глаголюще:

Радуйся, имже венчаются преподобнии.

Радуйся, имже спасаются человецы.

Радуйся, благодатное болящих посещение.

Радуйся, люте страждущих помощниче.

Радуйся, вражды разрушителю.

Радуйся, врагов истребителю.

Радуйся, верным мир и утверждение.

Радуйся, скорое от бед избавление.

Радуйся, злобы и коварства губителю.

Радуйся, отчаянных посетителю.

Радуйся, православным поборниче.

Радуйся, христианом помощниче.

Радуйся, преподобне отче Антоние, пустыннаго жития начальниче.

Кондак 7

Хотяй достойне подвигом добрым подвизатися, вся временная во уметы вменил еси, и нищ и убог пребывая, в пустыню вселился еси, да с единым Богом беседуеши, непрестанно поя Ему: Аллилуиа.

Икос 7

Новаго воистину наставника монахов яви тя Господь, отче Антоние: мнози бо познавше богоугодное и праведное житие твое, и высокую мудрость духовную уразумевше, послушаху словес твоих, яко словес великаго угодника Божия, емуже достоит пети таковая:

Радуйся, вере Авраама подражавый.

Радуйся, кротостию Давиду уподобивыйся.

Радуйся, ревность Илиину стяжавый.

Радуйся, стезями Крестителя последовавый.

Радуйся, воду в пустыни молитвою источивый.

Радуйся, разслабленныя от одра болезни воздвигнувый.

Радуйся, слепым прозрение даровавый.

Радуйся, многия болящия исцеливый.

Радуйся, наставниче монахов предивный и богомудрый.

Радуйся, Христа Бога служителю усердный.

Радуйся, претихое скорбных утешение.

Радуйся, прелюбимое иноков похваление.

Радуйся, преподобне отче Антоние, пустыннаго жития начальниче.

Кондак 8

Странное и пачеестественное житие преподобнаго Павла видев, блаженне Антоние, дивился еси высоте подвигов и доброделей его. Душу же его, Ангелы окружаему, на небеса восходящую узревши, Богу, дивному во святых Своих, возгласил еси: Аллилуиа.

Икос 8

Радостию велиею возрадовался еси, отче Антоние, видяще восхождение на небо души преподобнаго Аммония, егоже прозорливыма очима зрел еси. Сего ради со многим удивлением взываем ти сице:

Радуйся, очеса своя выну на небо возводивый.

Радуйся, славу небесную паче всего возлюбивый.

Радуйся, непрестанными молитвами сердце свое освятивый.

Радуйся, мысль твою в Бозе утвердивый.

Радуйся, грядущая яко настоящая провидевый.

Радуйся, смирением твоим высокая дарования стяжавый.

Радуйся, стужаемыя от злых духов свободителю.

Радуйся, душевнаго и телеснаго здравия подателю.

Радуйся, в нуждах и бедах преславный заступниче.

Радуйся, в напастех и скорбех скорый защитниче.

Радуйся, яко нас, на земли сущих, не оставляеши.

Радуйся, яко о нас, грешных, мольбы Богу приносиши.

Радуйся, преподобне отче Антоние, пустыннаго жития начальниче.

Кондак 9

Всякое естество ангельское удивися высоте подвигов твоих, преподобне, яко в немощней человечестей плоти сый, по всему уподобился еси Ангелом и, силою Вышняго укрепляемь, во всяких добродетелех довольне изобиловал еси. Сего ради ангельским чинам причтен, поеши Всесильному Богу: Аллилуиа.

Икос 9

Витийство человеческое не довлеет к достойному прославлению жития твоего, отче Антоние: кто бо исповесть вся пощения и бдения, болезни и труды твоя? Кто изочтет слезы и воздыхания твоя яже к Богу? Обаче мы, любовию к тебе подвизаеми, дерзаем воспевати сице:

Радуйся, великий пустынножителю.

Радуйся, совершенства учителю.

Радуйся, истиннаго Бога служителю.

Радуйся, бесов из пустыни прогонителю.

Радуйся, громе, диавола поражаяй.

Радуйся, коварство его изобличаяй.

Радуйся, благодати Божия вместилище.

Радуйся, Духа Святаго обиталище.

Радуйся, постников украшение.

Радуйся преподобных похвало.

Радуйся, монахов основание.

Радуйся, отцев славо.

Радуйся, преподобне отче Антоние, пустыннаго жития начальниче.

Кондак 10

Спастися хотящим верный наставник был еси, преподобне, и ныне нам, грешным, спасения желающим, помози святыми твоими молитвами, да тобою вспомоществуеми, достигнем Царствия Небеснаго, идеже Ангели немолчно поют: Аллилуиа.

Икос 10

Стена крепкая и необоримая был еси своим учеником, сохраняя их от стреляний бесовских, и ныне нам буди стена и покров от всех козней диавольских вопиющих ти таковая:

Радуйся, ангеле земный.

Радуйся, человече небесный.

Радуйся, святыни чистое и честное жилище.

Радуйся, великих добродетелей вместилище.

Радуйся, благочестия ревнителю.

Радуйся, ересей обличителю.

Радуйся, любве Христовы исполнение.

Радуйся, иноков научение.

Радуйся, твердое верных прибежище.

Радуйся, крепкое падающих возведение.

Радуйся, укрепление немощных и разслабленных.

Радуйся, утешение унывающих и безнадежных.

Радуйся, преподобне отче Антоние, пустыннаго жития начальниче.

Кондак 11

Пение умиленное, от любви и усердия в похвалу тебе от нас возносимое, приими, благоутробне отче Антоние, приклонися к нам милостиво и в покаянии преуспети сподоби, да молитвами твоими выну поем Богу: Аллилуиа.

Икос 11

Светоприемный светильник истиннаго Света сущим на земли явился еси, преподобне Антоние, просвещаеши бо сердца верных подвиги твоими и чудесы, наставляя на путь добродетельного и богоугоднаго жития. Темже слышиши от всех таковая:

Радуйся, наставниче премудрый.

Радуйся, вождю благонадежный.

Радуйся, всего себе воле Божией предавый.

Радуйся, Господа Иисуса паче всего возлюбивый.

Радуйся, терпением скорбей многоразличных просиявый.

Радуйся, вольною нищетою вечное богатство стяжавый.

Радуйся, в терпении и злострадании житие твое проводивый.

Радуйся, пустынное озлобление мужески терпевый.

Радуйся, ленивых к подвигом возбудителю.

Радуйся, исправления грешников поручителю.

Радуйся, Ангелов и всех святых собеседниче.

Радуйся, о всем мире усердный молитвенниче.

Радуйся, преподобне отче Антоние, пустыннаго жития начальниче.

Кондак 12

Благодать данную Ти от Бога ведуще, благоговейно лобызаем святолепное изображение лика твоего, угодниче Божий, и молимся: не остави нас твоим молитвенным предстательством ко Христу Богу, Емуже благодарно поем: Аллилуиа.

Икос 12

Поюще твое житие, восхваляем мирную кончину твою, преподобне отче Антоние, и молим ти ся: буди нам во всем ко благу скорый помощник, зовущим ти таковая:

Радуйся, небесный жителю.

Радуйся, Троицы Единосущныя предстоятелю.

Радуйся, Ангелов веселие.

Радуйся, святых собеседниче.

Радуйся, истинный угодниче Божий.

Радуйся, избранный слуго Господень.

Радуйся, теплый ходатаю о всех призывающих имя твое.

Радуйся, наставниче и упование почитающих тя.

Радуйся, благодатию Божиею насыщенный.

Радуйся, от источника Божественнаго напоенный.

Радуйся, потоком слез спасительных орошенный.

Радуйся, одеждою нетления одеянный.

Радуйся, преподобне отче Антоние, пустыннаго жития начальниче.

Кондак 13

О преподобне отче наш Великий Антоние, вечно живый в невечернем дни Царствия Христова, умоли всех Владыку избавитися нам от бед, скорбей и вечнаго мучения, да во веки поем Ему во Царствии Его: Аллилуиа.

(Этот кондак читается трижды, затем икос 1 и кондак 1)

Молитва

О преподобне и богоносне отче наш Антоние! Веруем, яко ты, предстоя престолу Пресвятыя Троицы, велие имаши дерзновение в молитвах ко Всемилостивому Господу Богу, Иже всегда послушает тебе, вернаго раба и угодника Своего. Сего ради со умилением смиренно припадаем к тебе, святче Божий: не премолчи о нас молитися ко Господу Богу, в Троице покланяемому и славимому, да, милостивно призрев на ны, не попустит нам погибнути во гресех наших, но да возставит падших, да подаст исправление злому и окаянному нашему житию, от грядущих грехопадений восхищая, и да простит нам вся, елика согрешихом мыслию, словом и делом, от рождения до сего часа. Ты, подвижниче добродетели, веси немощь и скорбь времен настоящих, моли убо выну Христа Бога, да николиже нас оставляет Его неизреченное милосердие, но да хранит нас от мирских искушений, от диавольских сетей и от плотских похотей, да приимем от Него тобою и вся потребная к жизни временней, освобождение от бед и напастей, и неослабное терпение до конца. Испроси нам в мире и покаянии скончати живот наш и невозбранно прейти от земли на небо, мытарств же, и бесов воздушных, и вечныя муки избавитися, и сподобитися Царства Небеснаго с тобою и со всеми святыми, угодившими Господу Богу и Спасителю нашему Иисусу Христу, Емуже подобает всякая слава, честь поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Житие преподобного

В III  веке селении Комы в Египте жила богатая и благочестивая христианская семья.  Старшим сыном и был Антоний. С детства он полюбил церковные службы, а в жизни руководствовался прежде всего Господними заповедями.

св. прп. Антоний Великий

В возрасте двадцати лет Антоний осиротел, на его попечении осталась маленькая сестра. Однажды в храме юноша услышал слова Спасителя. Это была притча о другом юноше, том самом, что пришел ко Христу и спрашивал, как ему спастись.

Антоний продал имение (а ведь полученное от родителей наследство было очень велико, одних только финиковых пальм, по преданию, было более трехсот). Деньги юноша раздал нуждающимся и нищим. Младшую сестру поручил попечению благочестивых девиц.  И начал монашеский подвиг длиною в целую жизнь.

Путь Антония был труден. С самого начала подвижник подвергался искушениям, дьявол то пытался склонить юношу к плотскому греху, то мучил тоской по младшей сестре, то терзал сомнениями в правильности выбранного поприща.

Тогда Антоний взмолился, прося вразумить его. Отшельнику было видение: Ангел, который попеременно трудился и прибегал к молитве. Антоний понял, как ему следует поступить. Он подчинил свою жизнь строгим правилам, чередуя молитву с трудом, соблюдал строгий пост, ограничил время сна до того, что ненадолго засыпал лишь раз в несколько дней.

Дьявол не отступался, он явился в виде отрока с черным лицом и признал себя побежденным, рассчитывая склонить Антония к самолюбию и гордыне. Но святой ограждал себя молитвой и крестным знамением.

Антоний стал основателем отшельничества. С юности он удалялся от людей и пребывал в труде и молитве. Он добровольно заточил себя в гробнице, куда друг изредка приносил хлеб.

Отшельник терпел бесовские нападения – однажды он был так измучен и избит, что друг, найдя его, посчитал мертвым, принес в селение и начал готовить к погребению. Но Антоний, очнувшись, попросил перенести себя на прежнее место.

Бесы принимали вид диких зверей, и святой сражался с ними. Стойкость и молитва всякий раз побеждали, но, обессилев от этой борьбы, Антоний воззвал: «Господи, где же Ты был, пока я изнемогал? Почему Ты не пришел исцелить мои раны?» И Господь ответил ему, говоря, что всегда был рядом. Антоний встал исцеленным. В то время ему было около тридцати пяти лет.

Вскоре Антоний решил усилить молитвенный подвиг. Для этого он задумал уйти в Фиваидскую пустыню. Другие отшельники устрашились следовать за ним. Но Бог не оставил подвижника.

Святой удалился от мира, он поселился на горе в уединении и молчании, но к нему приходили люди в поисках духовного учительства.

Со временем у Антония появились последователи, они селились в горах близ подвижника, стремились подражать ему в трудах. Так появились монахи в скитах и пещерах, а преподобный Антоний принял духовное руководство над ними.

Он учил постоянству и терпению в подвиге, учил не страшиться дьявольских козней и всегда уповать на силу Честного Животворящего Креста Господня.

Преподобный Антоний посвящал свои дни  непрестанной молитве, но оставлял отшельническую жизнь, когда того требовал долг христианина. Так, при императоре Максимиане возобновились гонения на христиан, и Антоний отправился в Александрию.

Но мученичество не было ему суждено. Святой нарушил свое молитвенное уединение спустя сорок лет по просьбе Афанасия Великого. Преподобный обличил манихейство и арианскую ересь. Но всякий раз возвращался в пустыню. Более восьмидесяти лет жизни преподобный Антоний  был отшельником.

Долгие годы святой провел на горе, которую назвали Внутренней или Антониевой.

Антоний Великий мирно скончался в 356 году. Ему было 105 лет, и перед кончиной разум его был ясен. О своей кончине преподобный узнал заблаговременно, успел оставить наставления монахам и завещал похоронить себя в пустыне, в сокровенном месте.

В 544 году при императоре Юстиниане мощи преподобного перенесли из пустыни в Александрию, в VII веке, после завоевания Египта сарацинами, в Костантинополь; в X  веке в Галлию (нынешняя Франция), а в  XV  веке в город Арль, где находятся до наших дней.

В каких случаях прибегают к чтению молебна с акафистом

Акафист преподобному читают во искушениях. Сам претерпев духовную брань, Антоний Великий помогает христианам устоять в борьбе.

Прп. Антонию Великому молятся:

• о спасении от искушений;
• от плотской похоти;
• о защите от внезапной смерти без покаяния;
• об исправлении грешной жизни;
• о прощении грехов;
• об избавлении от посмертных мытарств;
• когда решают избрать путь монашества.

Память преподобного Антония Великого 17 (30) января.

Марина Рогова